По двата порази од Милвоки и од Бостон, ЛА Клиперс синоќа изненадувачки беа поразени по третпат во низа од Вашингтон Визардс со 119-117.
Во текот на мечот, резултатот варираше со предности и на двете страни, а во еден наврат во втората четвртина, Клиперс имаа позитива од +16.
Како најефикасни кошаркари на мечот беа претставниците на Визардс – Бредли Бил (33 поени) и Расел Вестбрук (27 поени, 9 скокови и 11 асистенции).
Од друга страна, кај Клиперс, најпрецизен беше Каваи Ленард (22 поени), а Ивица Зубац уфрли дабл-дабл од 13 поени и од 13 скокови.
На табелата на Источната конференција, Визардс (14-20) се дванаесетти, додека Клиперс (24-14) ја држат четвртата позиција на Западот.
📸 Adam Pantozzi/NBAE via Getty Images
