Стружанецот Славчо Крежески ќе ја освојува балканската музичка сцена со својата најнова балада насловена како „Посилен од себе“ за која сними и прекрасен видео-спот. Крежески потекнува од струшкото село Мислешево, има 26 години и со музика се занимава уште од најмала возраст.
Музиката, текстот и аранжманот за темата „Јачи од себе“, односно на македонски „Посилен од себе“, се дело на познатиот автор Коста Ранѓеловиќ, додека видеото го направи продукцијата Дигитал Вертиго во режија на Андреас. Покрај пејачот, своја улога во видеото имаат и актерите Стефан Кресовиќ и Кристина Недовиќ.
