Македонскиот суперлигаш Еурофарм Пелистер 2 го официјализира потписот на договорот со интернационалецот од Босна и Херцеговина, Павле Петровиќ. Овој 21-годишен десен бек се обврза на договор со клубот од Битола до крајот на сезоната, а ќе дебитира во среда на натпреварот од Купот на Македонија против Јехона. Петровиќ во Македонија доаѓа од тимот Локомотива Брчко од БиХ.
