Вегас Голден Најтс ја запишаа петтата меѓусебна победа во низа над Аризона Којотес, откако синоќа ги совладаа со 5-2.
Аризона имаше резултатски шанси сè до последните осум минути, кога во свој посед држеше провизорно реми (1-1) и имаше минимален заостаток од 3-2.
Сепак, човек на одлуката беше Марк Стоун, кој постигна два погодоци, од кои, едниот при ,,шорт-хендед” ситуација за пораз на ,,Којотите”.
Од неговите соиграчи, во листата на стрелците се запишаа Данил Мироманов, Вилијам Кериер и Мајк Амадио.
На спротивната страна, прецизно реализираа Јуусо Валимаки во втората и Кристијан Фишер во третата третина.
Во Западната конференција, Вегас остана на лидерската позиција, додека Аризона го зазема четиринаесеттото место.
