Триесет и шестото коло на англискиот Чемпионшип беше отворено со триумфот на Стоук од 3-2 против Блекбурн.
За популарните ,,Потерс”, ова беше трета меѓусебна победа во низа, додека Роверс загубија по вторпат во лигата во календарската 2023 година.
Во првото полувреме, домаќините поведоа со 2-0 со дебитантските голови во Англија на засилувањето од ПСВ, Ки-Јана Хоевер (24′, 43′), а во вториот дел, Тајрис Кемпбел (75′) зголеми на 3-0.
Гостите од Ленкашир, до крајот, успеаја само да го намалат својот дефицит, благодарение на Бен Бреретон Диаз (86′) и на Сем Галагер (90′).
Со натпревар повеќе во однос на конкурентите, Стоук скокна на тринаесеттото место, додека Блекбурн остана на четвртата позиција.
