Во заостанатиот меч од дваесет и првото коло на англиската Лиг 2, Стокпорт Каунти ја оправда фаворитската улога и славеше против Рочдејл со 1-2.
За гостите, ова беше петта победа во низа, која и покрај лошиот старт на сезоната, ги издигна до четвртата позиција со само бод помалку од местата, кои носат директна промоција.
Од друга страна, популарните ,,Дејл” загубија по седми пат на последните осум лигашки средби и останаа на последното место.
Херој за победничкиот состав беше Вил Колар (п. 56′, 58′), кој во интервал од две минути, двапати ја затресе мрежата на Џејк Иствуд и дојде до петтиот погодок на последните пет натпревари.
Поразот на домаќините го ублажи нивниот најдобар стрелец во сезоната, Деванте Родни (85′), кој стигна до бројка од седум погодоци во 2022/23.
