Актуелните шампиони на АФЛ, Мелбурн Демонс, ја отворија сезоната со десет врзани победи, но сега се наоѓаат во мини-серија од два порази.
Имено, во дванаесеттото коло, популарните ,,Дис”, загубија од Сиднеј Свонс со (9.7) 61-73 (10.13) на домашниот стадион – ,,Мелбурн Крикет Граунд”.
Демонс го започнаа мечот со серија од 31-11, но Свонс ја добија втората четвртина со 34-12 и го презедоа водството во свои раце.
До крајот владееше резултатската неизвесност во која, гостите од Сиднеј врзаа четиринаесет поени во завршницата и дојдоа до вториот триумф во низа.
Непосредно пред натпреварот, Мелбурн остана без својот ас во нападот, Том МекДоналд, кој не се чувствуваше доволно опоравено од лесната повреда на глуждот.
Од друга страна, ,,Лебедите” играа без својот најдобар поединец, Ленс ‘Бади’ Френклин, кој доби суспензија од еден меч поради инцидентот што го предизвика против Ричмонд Тигерс пред една недела.
Во отсуство на двајцата квалитетни офанзивци, најефикасни на зелениот тревник беа Логан МекДоналд (3.2) и Сем Рид (3.1) од Сиднеј, односно Макс Гоун (3.1) и Бејли Фритч (3.0) од Мелбурн.
На табелата, Свонс скокнаа на шестото место, додека Демонс се сè уште на самиот врв, но со натпревар повеќе во однос на Бризбејн Лионс.