На шестото дерби на Камбрија во последните шеесет години, односно на шеесет и шестото во историјата, Карлајл Јунајтед ја оствари дваесет и шестата победа во натпревар со шест голови.
Имено, во заостанатиот меч од дваесет и првото коло на англиската Лиг 2, избраниците на Пол Симпсон го декласираа локалниот ривал Бероу со 5-1.
На дваесет минути пред крајот, домаќините водеа со убедливи 4-0, благодарение на головите на Џонатан Мелиш (44′, 67′), на Џоу Гарнер (50′) и на Омари Патрик.
До последниот судиски свиреж, гостите намалија преку автоголот на Бен Берклеј (84′), а победничкиот состав го завери својот триумф со прецизно изведениот пенал на Кристијан Денис (89′).
Со новите три бода, Карлајл изби на третото место, додека Бероу испушти шанса за влез во плејоф-зоната и остана на деветтата позиција.
