Екипата на Сандерленд влезе во финалето на плејофот на Лиг 1, откако во полуфиналниот двомеч го доби Шефилд Венздеј.
После победата од 1-0 на домашен терен, Сандерленд избори реми од 1-1 на ,,Хилсбороу” и закажа финална пресметка на ,,Вембли” со Викомб Вондерерс.
Во реваншот, Венздеј дојде до почетно водство, откако Ли Грегори (74′) заби погодок на петтиот натпревар во низа на домашен терен.
Иако се чинеше дека победникот ќе биде добиен после продолженија, во 90+3′, гостите дојдоа до посакуваниот гол и го завршија мечот во регуларниот дел.
Стрелец на ,,златниот” погодок за ,,Црните мачки” беше Патрик Робертс, кој затресе противничка мрежа само по вторпат во тековната сезона.
