После четирите врзани порази, Сакраменто Кингс дојдоа до првиот триумф, совладувајќи ги Чикаго Булс со 112-103.
Во текот на цел натпревар, претставниците на Калифорнија ја имаа предноста на своја страна, која генерално беше двоцифрена во поголемиот дел.
Кај поразениот тим, дабл-дабл запиша Никола Вучевиќ (23 поени и 10 скокови), а поефикасен од него беше само Зек ЛаВин со 27 поени.
Од противничкиот табор, најрасположени во нападот беа Де’Арон Фокс со 34 и Домантас Сабонис со 22 кошеви.
Во Источната конференција, Чикаго (41-27) падна на четвртото место, додека Кингс (25-45) ја држат тринаесеттата позиција на Западот.
