По втор ден во низа, во казахстанскиот Алмати, се одвиваше Светското првенство во фристајл скијање во дисциплината ериалс.
По вчерашните индивидуални натпреварувања во машка и во женска конкуренција, денес се одржа тимското мешано натпреварување.
На него, до златниот медал стигна Русија (328,29), за која настапија Љубов Никитина, Павел Кротов и Максим Буров.
Бранителите на титулата, Швајцарија (293,46), завршија на второто место, а со бронза се закити САД (283,97), оставајќи ја Белорусија (247,74) без медал.
За овие три селекции настапија:
Карол Бувар, Пирмин Вернер и Ное Рот (Швајцарија); Ешли Колдвел, Ерик Логран и Кристофер Лилис (САД); Хана Хускова, Макар Митрафанау и Павел Џик (Белорусија).
После првата серија отпаднаа Украина, Канада и Казахстан.
📸 Cameron Spencer/Getty Images