Балтимор Ориолс, кои важат за најслаб состав во тековната МЛБ сезона, успеаја да поврзат две победи против фаворизираните Њујорк Јенкис.
Претставниците на Мериленд, со висок моментум влегоа и во синоќешниот дуел против Канзас Сити Ројалс, кој накрај заврши со пораз од 2-3.
Ориолс го калеа својот победнички менталитет сè до седмиот ининг, после кој водеа со 2-1.
Во овој интервал, Остин Винс (трчање) и Седрик Малинс (хоум-ран) поентираа за домаќините, а хоум-ран за гостите постигна Хансер Алберто.
Во продолжение, односно во осмиот период, пресвртот на Ројалс го комплетираа Вит Мерифилд и Салвадор Перез, кои со по четири освоени бази му ја донесоа втората победа во низа на својот тим.
Фрлачите на Ориолс имаа релативно лош ден со само четири страјк-аути, додека на спротивната страна, ист учинок имаше само Крис Бабик за 5.1 ининзи.
И покрај победата, Ројалс (62-75) останаа на дванаесеттото место во Американската лига, додека Балтимор (43-93) и понатаму го држи самото дно.
