Њујорк Јенкис и Бостон Ред Сокс се најлутите ривали во МЛБ, кои освен за многубројните титули, се борат и за престиж на географски план.
Сè до 20 септември 2020, Јенкис имаа серија од четиринаесет победи во низа, но оттогаш наваму, Ред Сокс славеа на сите осум дуели.
Последниот од нив беше одигран синоќа, а претставниците на Масачусетс ги надиграа ривалите со 0-4.
Веќе во вториот ининг, гостите поведоа со 0-3, откако Кристијан Аројо постигна хоум-ран, а по четири бази освоија Ксандер Богартс и Рафаел Деверс.
Конечниот резултат беше поставен во осмиот период, од страна на Џеј Ди Мартинез, кој уште еднаш ја однесе топката на трибините.
Со оваа победа, Ред Сокс (56-36) го презедоа врвот во Американската лига, додека Јенкис (46-44) ја држат осмата позиција.
