
СКА Ст. Петербург ја израмни полуфиналната серија против ЦСКА Москва на вкупни 1-1, откако во вториот дуел славеше со 2-1.
Во првата третина, ЦСКА упати само четири шутеви кон голот на Ларс Јохансон од кои, прецизен беше единствено Александер Попов.
Сепак, во вториот период, СКА направи целосен пресврт преку Степан Фалковски и преку Никита Гусев, кој го одигра петстотиот меч во КХЛ.
Имено, за ЦСКА, ова беше прв пораз во овосезонскиот плејоф, имајќи предвид дека ги доби сите претходни девет пресметки (4-0 против Локомотив Јарослављ, 4-0 против Динамо Москва и почетно водство од 1-0 против СКА).



