Кошаркарите на Милвоки Бакс поведоа со 2-1 во полуфиналната серија против Атланта Хокс, откако синоќа славеа со 102-113.
Атланта фуриозно го започна мечот и уште во првата четвртина водеше со 25-10, но до крајот на полувремето, Бакс израмнија на 56-56.
Во третата четвртина, Хокс повторно имаа предност, но ја загубија во последниот квартал.
Кај Милвоки, најефикасните играчи беа и единствени со дабл-дабл учинок: Крис Мидлтон (38 поени и 11 скокови) и Јанис Антетокумбо (33 поени и 11 скокови).
Од редовите на Атланта, Тре Јанг беше двојно поефикасен од сите свои соиграчи, постигнувајќи 35 кошеви.
