Португалија го започна Светското првенство во Катар со триумф во првото коло од 3-2 над Гана.
Во првото полувреме немаше конкретни прилики, но во вториот дел паднаа сите пет погодоци.
Најпрво, Кристијано Роналдо (65′) од пенал им донесе водство на Португалците и заедно со Лионел Меси стана единствениот играш што постигнал гол на пет светски првенства.
Набрзо, Гана израмни преку Андре Ају (73′), но Жоао Феликс (78′) и Рафаел Леао (80′) брзопотезно ја вратија предноста на страната на европската селекција.
Во претпоследната регуларна минута, фудбалерот на Црвена Ѕвезда, Осман Букари (89′) даде нов гол за Гана и донесе неизвесен финиш со уште една колосална шанса за Африканците во последните секунди.
Во групата Х, Португалија го презеде првото место пред Уругвај и пред Јужна Кореја, кои ремизираа со 0-0.
