Екипата на Рединг поврза две победи, кои донесоа важни шест поени во битката за опстанок.
Синоќа, во 34. коло од Чемпионшип, популарните ,,Ројалс” славеа над Бирмингем со 2-1 и дојдоа до првиот домашен триумф во 2022.
Пред само три дена, отказ од тренерската позиција на Рединг доби Вељко Пауновиќ, а денес триумфално дебитираше привремениот менаџер – познатиот поранешен фудбалер Пол Инс.
Носител на играта на Рединг беше нивниот најдобар овосезонски поединец, Џон Свифт, кој запиша еден гол (73′ од пенал) и една асистенција.
Освен Свифт, во листата на стрелците се запиша уште Лукас Жоао (67′), а автогол во корист на Бирмингем постигна Том МекИнтаер (82′).
На табелата, Рединг се наоѓа на осум поени од опасната зона, а Бирмингем го зазема осумнаесеттото место.
