Флорида Пантерс се вратија од двонеделната пауза со триумф од 4-3 против Њујорк Ренџерс.
Во пресрет на втората пауза, Ренџерс имаа водство од 1-2, стекнато преку Артеми Панарин и преку Мика Зибанеџад, додека за домаќините погоди Антон Лундел.
Средишниот период на третата третина беше ,,најплоден” за домаќините, поради фактот дека за девет минути, трипати ја затресоа мрежата на Игор Шестјоркин.
Овој пат, голгетери за ,,Пантерите” беа Мекензи Вигар, Картер Верхеге и Ентони Дуклер.
Дефицитот од два гола на гостите успеа да го преполови Крис Крајдер, кој воедно го постави конечниот резултат во последната минута.
Во Источната конференција, Флорида скокна на петтото место, откако го спушти денешниот ривал на шестата позиција.
