Во второто коло од српската Суперлига, белградскиот Партизан со 0-2 ја порази Војводина среде Нови Сад.
,,Црно-белите” дојдоа до победата со двата погодоци на Израелецот Бибрас Натхо во воведните минути од двете полувремиња (4′, 58′).
Партизан беше подобар тим во текот на целиот натпревар што може да се заклучи и од главните статистики (45% – 55% посед на топка, 4-8 во однос на шутеви).
По заминувањето на Владимир Стојковиќ во Ал-Фејха, капитенската лента на Партизан му припадна на Лазар Марковиќ, а помеѓу стативите застана 21-годишниот Александар Поповиќ, кој успеа да ја зачува својата мрежа на овосезонското деби.
Со новите три поени, Партизан изби на првото место на табелата со гол-разлика од 6-0, додека Војводина го зазема дванаесеттото место.
