Детроит Ред Вингс се наоѓаат во резултатска криза, откако синоќа го запишаа шестиот последователен пораз.
Имено, претставниците на Мичиген, по вторпат во два дена, загубија од Отава Сенаторс со ист резултат од 5-2.
Детроит поведе со 0-1 преку Мајкл Расмусен во осмата минута, но до крајот на втората третина, веќе губеше со 3-1.
На почетокот на третиот период, Ред Вингс намалија на 3-2 преку Дилан Ларкин, но со ризичната игра со празна мрежа во финишот, примија уште два погодоци.
За Сенаторс, хет-трик постигна Џош Норис, а по еднаш во листата на стрелците се запишаа Артјом Зуб и Никита Зајцев.
Во Источната конференција, Отава изби на тринаесеттото место, додека Детроит ја зазема единаесеттата позиција.
