Њујорк Ренџерс стекнаа водство од 2-0 против Тампа Беј Лајтнинг во полуфиналето на НХЛ.
Имено, во вториот натпревар од меѓусебната серија, Ренџерс го искористија домашниот терен и триумфираа со 3-2.
Гостите од Флорида го отворија резултатот преку Никита Кучеров во третата минута, а до крајот на првиот период, за домашниот состав стрелаа К’Андре Милер и Каапо Како.
Во третата третина, Мика Зибанеџад погоди за 3-1 во корист на Ренџерс, а конечниот резултат го постави Ник Пол на две минути пред крајот.
Третиот дуел е закажан за утре со почеток од 21.00 часот по македонско време и ќе биде одигран во Тампа.
