Првиот меч од синоќешната МЛБ програма беше воедно и првиот од двата синоќешни натпревари помеѓу Вашингтон Нешоналс и Сан Франциско Џајантс.
На него, Нешоналс дојдоа до петтата победа на последните десет пресметки, откако славеа со 2-0.
Имено, домаќините поведоа уште во првиот ининг, откако Кајл Шварбер дојде до својот десетти овосезонски хоум-ран.
Веќе во четвртиот период, Нешоналс ја удвоија својата предност со освоените четири бази на Хуан Сото по ударот на Џош Херисон.
За победничкиот состав, одлична партија имаше и фрлачот Ерик Фед, кој освои седум страјк-аути.
Непосредно по натпреварот, Џајантс (39-24) останаа на врвот на Националната лига, додека Вашингтон (26-34) се наоѓаше на дванаесеттата позиција.
