Кога се во прашање американските спортски натпреварувања, ривалството помеѓу сојузните држави Илиноис и Висконсин драстично се издвојува.
Во бејзболот, односно во МЛБ, истото најмногу се одликува со дуелите помеѓу Чикаго Кабс и Милвоки Бруерс.
Синоќа, овие два ривали го одиграа својот седми овосезонски меѓусебен натпревар, а Бруерс дојдоа до четвртата победа, славејќи со 6-7.
Иако имаше висок број на поени, дури пет ининзи, од вкупните девет, завршија без никаква промена на семафорот.
Кај Кабс, хоум-ран постигнаа Пи Џеј Хигинс и Рафаел Ортега (+1), а по четири бази освоија Франк Швиндел, Вилсон Контрерас и Патрик Висдом.
Од победничкиот табор, топката на трибините ја однесоа Џејс Питерсон, Тирон Тејлор и Луис Уријас (+1), додека со трчање поентираа Омар Нарваез, Мајк Брусо и Колтен Вонг.
Во Националната лига, Милвоки (31-18) се искачи на четвртото место, додека Кабс (19-28) паднаа на тринаесеттата позиција.
