Една од петнаесетте синоќешни МЛБ пресметки ја одиграа Њујорк Метс и Питсбург Пиратес.
Истата заврши со резултат од 13-4 во корист на Метс, кои ја запишаа третата последователна меѓусебна победа.
Пиратес поентираа по еднаш во четири ининзи од синоќешниот меч, додека на Метс тоа им појде од рака во само три периоди.
Сепак, домаќините беа далеку поефикасни, особено во шестата деветтина, кога забележаа дури десет поени.
За Пиратес, хоум-ран постигна Родолфо Кастро, а по четири бази освоија Бен Гамел, Џеред Олива и Вилмер Дифо.
На спротивната страна, грен-слем запиша Франциско Линдор, додека Џонатан Виљар запиша два, а Пит Алонсо еден хоум-ран.
Освен нив, со трчање поентираа Џејмс МекКен, Брендон Нимо, Доминик Смит, Џеф МекНил, Мајкл Конфронто и Хозе Пераза.
Со неверојатната партија, Метс станаа првиот тим во историјата на МЛБ што постигнал десет поени во еден ининг, што имал грен-слем и што имал играч, кој постигнал хоум-ран на двете различни страни од теренот.
Во Националната лига, Пиратес (32-55) се претпоследни, додека Метс (46-38) ја заземаат петтата позиција.
