Мајами Хит стекнаа водство од 2-0 против Филаделфија 76ерс, откако во вториот четвртфинален дуел ги надиграа со 119-103.
76ерс имаа минимална предност на почетокот на првата четвртина, а во продолжение, водството константно беше на страната на домашниот состав.
Кај Мајами, Џими Батлер (22 поени и 12 асистенции) имаше дабл-дабл, а поефикасен од него беше Бам Адебајо со 23 кошеви.
Од противничкиот табор, во отсуство на Џоел Ембиид, поентерски најрасположени беа Тајрис Макси со 34 и Тобијас Херис со 21 поен.
