Колорадо Аваланш се првите четвртфиналисти на НХЛ, откако во првата фаза од плејофот ги елиминираа Нешвил Предаторс со ,,метла” од 4-0.
Во четвртиот натпревар, Аваланш триумфираа на гостински терен со 3-5 и ја завршија овосезонската авантура на своите ривали.
Во првите две третини, Колорадо двапати поведуваше преку Андре Бураковски и преку Кејл Макар, а за Предаторс двапати израмни Јаков Тренин.
На стартот на третиот дел, Филип Форсберг погоди за 3-2 во корист на Нешвил, но до крајот, Девон Тјус, Валери Ничушкин и Нејтан МекКинон му донесоа триумф на Колорадо.
Во конференциското полуфинале, Аваланш ќе играат против победникот од дуелот помеѓу Минесота Вајлд и Ст. Луис Блус, кој моментално е 2-2.
