Првиот денешен меч од 13. коло во италијанската Серија А го одиграа Торино и Болоња на ,,Стадио Олимпико” во Торино.
Истиот заврши со резултат од 1-1. Двата погодоци беа постигнати во вториот дел и беа дело на двајца поранешни играчи на двата ривали.
Имено, Симоне Верди (69′) му донесе водство на Торино, а претходно од 2016 до 2018, го носеше дресот на Болоња. Неговиот гол треба да му ,,отиде на душа” на голманот Анџело Да Коста, кој реагираше неспретно при слободниот удар.
Исто сценарио ги снајде и денешните домаќини, откако нивниот член во 2018/19, Роберто Соријано (78′) им донесе израмнување на претставниците на Болоња.
Екипата предводена од Синиша Михајловиќ се соочува со неколку повредени играчи и на последните четири средби, освои само два поени со гол-разлика од 5-11. Од друга страна, за Торино ова е прв поен по трите врзани порази, вреден во борбата за опстанок.
