Во еден од дванаесетте синоќешни НБА дуели, Јута Џез ги совладаа Чикаго Булс со 125-110.
Во текот на првите три четвртини, резултатот беше во потполност неизвесен, но во последниот квартал, Џез успеаја да стекнат двоцифрена предност.
Кај Чикаго, дабл-дабл по третпат во низа направи Никола Вучевиќ (10 поени и 11 скокови), а најефикасен од неговите соиграчи беше Зек ЛаВин со 33 поентирања.
Од противничкиот табор, најрасположен во офанзивата беше Донован Митчел со 37 кошеви, а Руди Гобер запиша 14 поени и 20 скокови.
Во Западната конференција, Јута (43-26) го држи четвртото место, додека Чикаго (41-28) падна на петтата позиција на Истокот.
