Второто коло од новата Чемпионшип сезона го затворија ВБА и Вотфорд, кои ремизираа на ,,Хоторнс” со 1-1.
Во првото полувреме, ВБА имаше целосна контрола на поседот, но Вотфорд стекна почетна предност со голот на Исмаила Сар (12′) од својата половина.
Сепак, до паузата, домаќините успеаја да израмнат, а воедно и да го постават конечниот резултат преку Карлан Грант (45+2′).
Во вториот период, Сар имаше стопроцентна прилика да му донесе ново водство на својот тим, но не беше прецизен од белата точка во седумдесет и третата минута.
На табелата, Вотфорд е шести со четири поени, додека ВБА со двете ремија се наоѓа на четиринаесеттата позиција.
