Со синоќешниот триумф од 3-0 над Вегас Голден Најтс, Минесота Вајлд дојдоа до третата победа во низа.
Домаќините го отворија резултатот во шестата минута преку Никола Делорие, кој погоди на дебито во новата средина, откако се пресели во Ст. Поп од Анахајм Дакс.
Во третиот период, конечниот резултат во корист на Вајлд го поставија Метју Дамба и Рајан Хартмен.
Минесота од вчера се стекна со нов искусен голман, Марк-Андре Флери, кој беше трејдуван за пик од втората рунда со Чикаго Блекхокс.
Сепак, клубот од ,,Ексел Енерџи Центар” покажа дека поседува уште еден квалитетен адут помеѓу стативите, Камерон Талбот, кој синоќа ги одбрани сите 28 удари и дојде до вториот овосезонски шут-аут.
Во Западната конференција, Минесота го зазема третото, а Вегас се наоѓа на осмото место.
