Првокласна сензација на „Олд Трафорд“ приреди Шефид Јунајтед со победа од 2:1 против Манчестер Јунајтед во дуел на последнопласираната екипа во Премиерлигата и лидерот пред стартот на ова коло.
Најавата за подвиг се најави во 23. минута кога Кин Брајан искористи грешка на одбраната на ,,Црвените ѓаволи” и погоди за 0:1. Манчестер Јунајтед потоа имаше комплетна иницијатива, но успеа само да израмни во 64. минута со голот на Хери Мегваер.
Автоголот на Туанзебе го одлучи победникот и ја запечати веројатно и најголемата сензација во новата година на европските терени. Манчестер Јунајтед е втор со 40 бода, еден помалку од новиот лидер Манчестер Сити, со еден меч повеќе од градскиот ривал.
