Флорида Пантерс го израмнија резултатот на вкупни 1-1 во осминафиналето против Вашингтон Капиталс, откако синоќа славеа со 5-1.
После првата третина, со головите на Арон Екблад и на Александер Барков, домаќините имаа предност од 2-0, која беше преполовена од Никлас Бекстром на почетокот на вториот дел.
Во продолжение, Пантерс уште трипати ја затресоа мрежата на Витек Ванечек, кој во третиот период му го отстапи местото на Илја Самсонов.
Голгетери за Флорида помеѓу првата и втората пауза беа Мејсон Марчмент, Антон Лундел и Картер Верхеге.
