После четирите врзани победи, Филаделфија 76ерс синоќа го запишаа првиот пораз, откако беа надиграни од Портланд Трејл Блејзерс со 105-121.
Во првото полувреме, натпреварот беше неизвесен, но во второто, на теренот ,,постоеше” само гостинскиот тим, кој направи двоцифрена позитива после само неколку минути игра.
Најефикасен играч на мечот беше Џоел Ембиид (Филаделфија) со 37 поени, кој воедно си постави и рекорд на кариерата.
Од противничкиот состав, дабл-дабл од 17 поени и од 18 скокови запиша Енес Кантер, а по 22 и по 24 поени уфрлија Кармело Ентони и Гери Трент.
И покрај поразот, 76ерс (16-7) остануваат на врвот на Истокот, додека Портланд (12-9) изби на петтото место на Западот.
📸 Matt Slocum
