Голден Стејт Вориорс ги поразија Бостон Селтикс со 97-107 во четвртиот дуел од финалето и ја израмнија серијата на 2-2.
Во текот на цел натпревар владееше резултатската неизвесност, а конечните +10 беа максимално водство што еден од тимовите воопшто го имаше.
Предводник на играта на гостите од Калифорнија беше Стеф Кари со дабл-дабл од 43 поени и од 10 скокови.
Од неговите соиграчи, Клеј Томпсон уфрли 18 кошеви, а две двоцифрени статистики имаше и Ендру Вигинс (17 поени и 16 скокови).
На спротивната страна, со 23 поентирања и со 11 фатени топки, најефикасен беше Џејсон Тејтум, а по него следуваше Маркус Смарт со 21 кош.
