Првиот натпреварувачки викенд од Светскиот куп во санкање на вештачки патеки се одржа во Инсбрук, Австрија.
Истиот беше отворен со првата досегашна трка во женски дублови, која заврши со славје на Австријките Селина Егле и Лара Михаела Кип (1:20,019).
Освен нив, на подиумот завршија уште Џесика Дегенхардт и Шејен Розентал (+0,176), односно Андреа Фетер и Марион Оберхофер (+0,233).
Во индивидуалната женска конкуренција, фамилијата Егле повторно славеше успех, откако првото место го освои повозрасната сестра – Маделен Егле (1:19,188).
Австријката беше најбрза на олимписката патека пред Емили Свини (+0,216) и Јулија Таубитц (+0,278), а под половина секунда доцнеа уште: Хана Прок (+0,386), Ана Берајтер (+0,406) и Мерле Фребел (+0,466).
Третата трка од саботната програма беше составена од машките дублови, од кои, најкратко време на стазата поминаа Јури Гат и Рикардо Шопф (1:18,915).
Гат и Шопф триумфираа за првпат во кариерата, а целосниот австриски пиедестал го заокружија Томас Штој и Лоренц Колер (+0,079), односно Јаник Милер и Армин Фраушер (+0,083).
Во првата серија, Штој и Колер поставија рекорд на патеката од 39,387 секунди.
