Во дваесеттото коло од турската одбојкарска Султанлар лига, Ечачибаши ја оправда фаворитската улога против Ајдин.
Екипата од Истанбул брзопотезно го среди својот противник со 3-0, или по сетови 25-13, 25-13 и 25-20.
Во втората партија, домашните одбојкарки направија голема серија од 11-0, односно од 9-4, поведоа на 20-4.
За победничкиот состав, тренерот Ферхат Акбаш реши да ја одмори српската ѕвезда – Тијана Бошковиќ.
Во нејзино отсуство, најефикасни беа Гезде Јилмаз со 14, Лаура Ерман со 14 и МекКензи Адамс со 15 поени.
На спротивната страна, над три поени постигнаа само Езги Бекташ (6) и Ана Николети (9).
И покрај поразот, Ајдин остана на деветтата позиција, додека Ечачибаши го држи врвот, но со два натпревари повеќе во однос на Вакифбанк.
