Синоќа, за првпат во 2021, на петтиот овогодишен меѓусебен дуел, Далас Маверикс славеа над Сакраменто Кингс со 105-99.
Далас фуриозно го започна мечот, стекнувајќи водство од максимални +15 уште во првата четвртина.
Сепак, во продолжение, Сакраменто го намали својот дефицит и поведе само еднаш во третиот квартал, но недоволно за победа.
Од сите кошаркари, најефикасен, со дабл-дабл од 23 поени и од 10 асистенции, беше асот на Далас, Лука Дончиќ, а од неговите соиграчи, по него следуваше Тим Хардавеј Џуниор (16 поени).
На спротивната страна, по две двоцифрени статистики имаа двајцата најдобри стрелци – Ришон Холмс (22 кошеви и 13 скокови) и Херисон Барнс (15 кошеви и 10 скокови).
Со учинок од 4-2, Далас го освои четвртото место на табелата на Западната конференција, така што го спушти Сакраменто (3-3) на осмата позиција.
