После паузата за ,,Ол-Стар” натпреварувањето, дуелите од НБА лигата синоќа се вратија на малите екрани.
Во вториот меч, Далас Маверикс ги поразија Сан Антонио Спарс во дербито на Тексас со резултат од 115-104.
Натпреварот беше неизвесен, со едноцифрена предност и пресврти и на двете страни, сè до завршните минути, кога Далас ја презеде контролата.
Накрај, најпрецизен на паркетот беше претставникот на Спарс, ДеМар ДеРоузан, со дабл-дабл од 30 поени и од 11 асистенции.
Што се однесува до противничките кошаркари, најистакнати беа Криштапс Порзингис и Лука Дончиќ со дабл-дабл, односно со трипл-дабл учинок.
Имено, Летонецот уфрли 28 поени и додаде 14 скокови, додека Словенецот имаше 22 кошеви, 12 скокови и 12 асистенции.
За Далас (19-16), ова е четврта врзана победа, доволна за осмото место на Западот, додека Сан Антонио (18-15) е за едно место погоре на табелата.
Во првиот натпревар од синоќешната НБА програма, Мемфис Гризлис славеа над Вашингтон Визардс со 127-112.
📸 Glenn James/NBAE via Getty Images
