Актуелните вицешампиони, Тампа Беј Рејс, го запишаа само вториот пораз во последните две години од Детроит Лионс, откако синоќа загубија со 7-8 после продолжение.
Заклучно со седмиот ининг, резултатот гласеше 1-2 во корист на ,,Тигрите”, а веќе после наредниот период се поставија конечните 5-5, кои донесоа дополнителни деветтини.
Во регуларниот дел, за Детроит, Џејмер Канделарио поентираше со хоум-ран, а по четири бази освоија Дастин Гарно, Акил Баду, Џонатан Шуп и Дерек Хил.
На спротивната страна, хоум-ран забележаа Нелсон Круз и Брет Филипс, а успешно трчаа Остин Медоус, Ренди Арозарена и Мануел Марго.
Во продолжението, домаќините од Флорида постигнаа уште два поени преку Џи-Ман Чои и гореспоменатиот Круз за доаѓање до нова предност.
Сепак, иако се чинеше дека сè е готово за Тигерс, Канделарио повторно ја однесе топката на трибините, кога на базите беше Шуп и изнуди единаесетти ининг.
Во него, Рејс беа лимитирани на нула, а гостите славеа, откако фрлачот Џеј Пи Фејрајсен направи грешка, а до последната база стигна Роби Гросман.
И покрај поразот, Рејс (89-54) останаа на врвот на Американската лига, додека Детроит (68-76) ја зазема единаесеттата позиција.
