ЦСКА Москва го порази Металург Магнитогорск со 2-1 во шестиот меѓусебен дуел и избори ,,мајсторка” во борбата за Гагарин Купот.
Претставниците на главниот град на Русија двапати ја затресоа мрежата на Васили Кошечкин уште во првата третина преку Владислав Каменев и преку Михаил Григоренко.
Во вториот период, ,,Лисиците” го преполовија својот дефицит и воедно го поставија конечниот резултат, благодарение на Андреј Чибисов.
Одлучувачката седма пресметка ќе биде одиграна во Магнитогорск на 30 април со почеток од 16.00 часот по македонско време.
