Во последното коло од регуларната АФЛ сезона, битката за плејоф го доживеа својот климакс.
Имено, Вестерн Булдогс, со триумфот од (10.4) 64-87 (12.15) над Хоторн Хокс, се искачија на осмата позиција и го завршија својот дел од задачата.
Со триумфот на Булдогс, од целата равенка отпаднаа Ст. Килда Сеинтс, кои мораат да остварат огромен триумф против четвртопласираните Сиднеј Свонс.
Сепак, судбината на Булдогс зависи од Карлтон Блус, кои, доколку ги поразат најголемите ривали, Колингвуд Мегпајс, ќе влезат во плејоф-зоната.
Булдогс пружија добра партија против Хоторн во Тасманија, особено во четвртата четвртина, кога ја стекнаа својата предност.
Најефикасни од победничкиот состав беа Арон Нотон (3.3), Роарк Смит (3.0) и Сем Дарси (2.2).
Кај ,,Јастребите”, најрасположени во офанзивата беа Џек Ганстон (4.0), Дилан Мур (2.1) и Бен МекИвој (2.0).
