Репрезентацијата на Австралија стана старо-новиот светски шампион во рагби лиг, откако ја освои титулата по третпат во низа.
Во овогодинешното финале, претставниците на најмалиот континент ја совладаа Самоа со 30-10.
Австралијците завршија голем дел од задачата уште во првото полувреме, кое го добија со 14-0.
За победничкиот состав, есеи постигнаа Латрел Митчел (13′, 80′), Џејмс Тедеско (17′, 58′), Лиам Мартин (29′) и Камерон Мареј (52′), а три конверзии погоди Нејтан Клери.
На спротивната страна, Стивен Крајхтон (70′) имаше шест, а Брајан То’о (60′) – четири поени.
На патот до финалето, Австралија ги порази Либан и Нов Зеланд, а Самоа ги елиминира Тонга и домаќинот Англија.
