Најефикасниот меч од досегашниот тек на Лиг 2 го одиграа Олдам Атлетик и Форест Грин.
Имено, во 21. коло, Олдам избори неочекуван поен, откако на домашниот ,,Баундери Парк”, ремизираше против фаворитот со неверојатни 5-5.
Домаќините го отворија резултатот на стартот, но во продолжение гостите стекнаа предност од 1-4.
После еден час игра, резултатот гласеше 3-4, а во интервал од пет минути се зголеми на 4-5.
Израмнувачкиот погодок, односно автоголот на Кејн Вилсон, падна во 78. минута со што се заврши голеадата во Ленкашир.
Со исклучок на автоголот на дефанзивецот на гостите, од домашните редови гол постигнаа Дејвис Крилор-Дан (11′, 59′), Халам Хоуп (55′) и Џек Стобс (65′).
На спротивната страна, по два погодоци забележија Џамил Мет (27′, 44′) и Метју Стивенс (48′, 63′), а еднаш погоди и Џек Ејчисон (13′).
И покрај ремито, Форест Грин остана на врвот на табелата, додека со освоениот поен, Олдам се искачи на претпоследната позиција.
