Последното 22. коло од регуларната сезона на италијанската одбојкарска Серија А го отворија Вибо Валентија и Лубе.
Денешниот меч беше со исклучителна важност за Вибо, кој настојува да избори пласман во првите пет, односно да влезе во победничката група.
Накрај, домаќините ја остварија зацртаната цел и освоија два бода, совладувајќи го Лубе со пресврт со 3-2.
Во првите два сета, Лубе беше подобар тим со 22-25 и со 21-25, а во продолжение, Вибо стигна до триумфот со три подобри резултати (25-22, 25-21 и 15-10).
Најзаслужни за триумфот на претставникот на јужна Италија беа Абубакар Драме Нето и Тибо Росар. Нето постигна 22 поени со 49% на успешност во нападот, додека Росар забележа 20 поени.
Најефикасни, со по 13 поени, од редовите на Лубе беа Енрико Дијамантини и Марлон Јант Херера.
Со денешниот бод, Лубе ја осигури втората позиција, додека Вибо, за опстанок во топ 5, мора да се надева на кикс на Пијаченца или на Монца.
📸 Twitter: Tonno Callipo Volley
