Новиот тренер на Академија Пандев, Александар Васоски, по три одиграни кола дојде до деби победа. Струмичани на домашен терен славеа над Македонија Ѓорче Петров со реузлтат од 2:1 и освоија важни три бода во борбата за опстанок.
Во 11. минута од мечот, Мартинага нафрли откосо, а Марјан Радески одлично реагира со глава и успеа да го совлада гостинскиот голман. Македонија дојде до израмнување во 56 минута при корнерот па Божиновски успешно реализира.
Пред крајот на натпреварот кога сите чекаа крај, сепак Стоилов го пронајде Крстовски, кој даде гол за голема победа на Академија Пандев и за шести триумф оваа сезона во рамки на Прва МФЛ. Во следното коло Академија Пандев ќе игра градско струмичко дерби против Беласица, додека Македонија Ѓорче Петров ќе биде домаќин на Силекс.
