Агенцијата за млади и спорт годинава нема да му додели ваучер на ракометниот клуб Вардар, а проблемот е во тоа што со превземањето на Вардар од ,,Ватростална”, за да се избегнат долговите кои се наследија со заминувањето на рускиот бизнисмен Сергеј Самсоненко е формиран нов субјект „Вардар 1964“.
Со тоа поранешниот двократен европски шампион нема да може да го исполни критериумот две години по ред да учествува во системот на натпреварувања. АМС има најави дека на следната седмица ќе го објави списокот на спортски колективи кои ќе добијат ваучери.
Овој ваучер се очекуваше значително да ја подобри финансиската состојба на Вардар во ситуација кога огромен дел од клубовите ваучерот им е основен приход. Дали во блиска иднина ќе се најде решение или ќе остане оваа одлуката останува на Агенцијата за Млади и Спорт (АМС).
