Во рамките на 10 коло од Првата женска кошаркарска лига, во Струга тимот на ЖКК Струга 2009 го порази тимот на ЖКК Шкупи од Скопје со резултат од 67:38 или по четвртини беше (27:9; 17:10 ; 12:11 и 11:8).
Стружанки заиграа моќно уште на стартот па по две одиграни четвртини или до полувремето веќе се наѕираше победникот. Во второто полувреме падна притисокот на домашната екипа и се играше послободно каде што гостинските кошаркарки одиграа порамноправно.
Во победничкиот табор на ЖКК Струга 2009 најзаслужни за победата беа Пешиноска со 14 поени, Укоска 10, Попоска 8, Модева К 6 и Филоска зад своето име запиша 5 поени. Ви тимот на ЖКК Шкупи по 8 поени постигнаа Долани и Салиу.
