Во рамките на одбојкарската лига на Македонија за мажи, екипата на ОК УГД Штип фати победнички ритам и го совлада тимот на ОК Шкендија од Тетово со 3:1 по сетови (25:21, 26:24, 23:25 и 25:14).
Натпреварот се одигра во СЦ „Јордан Мијалков” – Штип со почитување на сите правила и протоколи кои се пропишани од надлежните органи, но и во спортска и коректна натпреварувачка атмосфера.
Ова е вкупно трета победа во низа за УГД Штип во крајно исцрпувачки и тежок ритам на натпревари. Заморот се чувствуваше, но одбојкарите одговорија на предизвикот и извадија нов позитивен резултат. Штипјани со новите бода се зацврстија на шестата позиција на табелата.
Фото и извор: Одбојкарски клуб “Штип Угд” – Штип @OkStipUGD
