Екипата на Струга во пресрет на плејофот во Македонската Суперлига се засилува со тројца ракометари родени стружани, а настапуваа за други екипи. Нови ракометари во тимот на Танески ќе бидат пикерот Филип Пајкоски и левото крило Дејан Лазороски. Третото засилување за РК Струга е левиот бек Никола Цветаноски како што пренесе реномираниот ракометен портал 24 Ракомет.
Филип Пајкоски доаѓа од екипата на РК Прилеп, Никола Цветаноски од екипата на КЛ 7, додека Дејан Лазороски лани настапуваше за тимот на Бутел, а сезонава требаше да замине да игра и студира во Словенија, но поради целата ситуација со Ковид 19 реши да се врати во родниот град.
