понеделник, ноември 16, 2026
  • Контакт
  • Импресиум
  • Маркетинг
No Result
View All Result
ЈАВИ СЕ ЈУЖНА
  • Почетна
  • Спорт
  • МАГАЗИН
  • МУЗИКА
  • ДЕСТИНАЦИИИ
  • ИНТЕРВЈУ
  • Контакт
  • Почетна
  • Спорт
  • МАГАЗИН
  • МУЗИКА
  • ДЕСТИНАЦИИИ
  • ИНТЕРВЈУ
  • Контакт
No Result
View All Result
No Result
View All Result
ЈАВИ СЕ ЈУЖНА
Почетна РАЗНО

TOW#511 – Сообраќајна култура

ЈАВИ СЕ ЈУЖНА ✏️ ЈАВИ СЕ ЈУЖНА
октомври 16, 2019
📁 РАЗНО
Најдобар фитнес центар во Струга Најдобар фитнес центар во Струга Најдобар фитнес центар во Струга
Прво, започнав да пишувам еден текст на друга тема, но после вчерашната моја сообраќајна голгота, како и неколку споделени коментари и слики од пријатели на ФБ, во однос на нашата сообраќајна (не)култура, решив да го сменам текстот за денес.
Зошто се застанува на сред раскрсница (кога е многу метеж за да се помине од другата страна) и се блокира сообраќајот од другите правци!?
Во сите културни земји се знае дека на сред раскрсница е забрането да се стои. На некои раскрсници кај нас, дури и убаво е обележано со црвена мрежа. Само да знаете дека на тој начин не само што не се поминува побрзо туку дури и се заглавува сообраќајот и се одолговлекува времето за пристигнување на саканата дестинација.
Зошто мора да се застане на сред пешачки, повторно кога е голем метеж, и да се блокира патот на пешаците!?
Згора на сè, кога сум застанал пред пешачкиот, бидејќи имало долга редица од коли пред мене (до пред самиот пешачки), одзади мора некој „паметен” да ми свири манијакално на свирката. Демек, ако преминам и застанам на пешачкиот, ќе ја забрзам редицата!
Зошто, ако се пушти 4-трепкачи мислиме дека може да застанеме каде било и да блокираме сообраќај!?
Еден пријател секое доаѓање од Австралија дознава нешто ново што се користи од нас како правило во сообраќајот. Сега баш ми спомена дека „најхит” му е тоа што, кога ќе пуштиш 4-трепкачи, може да правиш што сакаш!
Зошто веќе не (помалку) се користи светлосната сигнализација (трепкачи) кога се врти лево или десно или, пак, застанува покрај пат!?
Понекогаш кога сум во возило со некого, кој ќе се изнервира бидејќи некој не дал сигнализација кога врти или се паркира покрај улица, му велам, „не се нервирај тој/таа стално тука си врти и застанува и нема потреба да ти сигнализира тебе што ќе прави”. Ја забавува колата, си бараат место за паркинг, а никој не сигнализира дека мисли или сака да застане.
Зошто се преминува улица на 2 полни линии и го загрозува сообраќајот и животот на другите, а ако се повози 50 м подолу може да ја свртиме колата и се вратиме на местото каде што сакаме да одиме!?
Пред некој ден на една од главните улици во Скопје, не еден туку двајца во рок од 3 минути видов како преминуваат од едната до другата страна преку 2 полни линии. Најинтересно беше тоа што ладнокрвно си даваа сигнализација дека ќе свртат на полна линија, т.е. ќе направат прекршок за одземање на дозвола.
Зошто уште при самото вклучување на семафорот, веднаш се наоѓа некој „паметен” и да легне на свирката, со цел да ги забрза тие што се пред него да тргнат?
За ова, еднаш веќе пишував под насловот на неделниот совет „Нано-секунда”. Само да знаете дека никако нема да се забрза метежот или вие да поминете побрзо ако свирите. Дури само ќе си направите нервоза на себеси и на другите.
Зошто пешаците поминуваат на сред улица каде што не е означено и дури има ограда или цвеќарник, а пешачкиот е само на 50-тина метри од нив!?
Најстрашно е што сум видел повозрасни господа и госпоѓи, модерни девојки во потпетици, градски мангупи во одела итн. кои го прават тоа. Нека не ве мрзи да пропешачите уште некој метар, секако го намалувате вашиот и ризикот на останатите.
И како последно од оваа листа, а секако може цела книга да се напише, ако се направи убава анализа по нашите улици, зошто се поминува на црвено!?
Каде брзате?! Кај Св. Петар!?!? (еден старец еднаш го слушнав како му рече на еден дечко кој возеше велосипед на тротоарот многу брзо. Често ми се случува кога ќе се запали зелено за пешаци, уште неколку возила да поминат од другата страна. А штом се запалило зеленото за пешаците, тоа значи дека тие поминале на длабоко црвено. Ај, вашиот живот можеби не ви е важен, ама барем имајте чувства за другите, бидејќи им го загрозувате животот.
Навистина не знам, зошто!?
Толку ли ни спадна нивото на свесност и културата на ниско ниво?! Толку ли немаме никаков обѕир кон другите во сообраќајот дека можеби им го загрозуваме животот?! Толку ли сме возгордеани, па мислиме дека ние сме најважни?! Толку ли немаме чувство на вина кон другите!? Не знам…!!!
Еден пријател од Америка ми кажа еднаш една многу паметна работа. Вели „културата на еден народ се познава по сообраќајот и начинот на возење низ улиците”.
Овој текст не го гледајте само од аспект на „тие”, т.е. дека некој друг го прави ова, а ние не. Сите знаеме дека ни се случува понекогаш да направиме по некој ваков пропуст (кршење на правилата). А, бидејќи не може да ги промениме другите и да влијаеме на нивното ниво на свесност, барем да пробаме да се промениме ние самите и да ја подобриме културата во сообраќајот, а и пошироко.
Со успех во промените,
Петар Лазаров
Член на тимот
МАКЕДОНИЈА-ЕКСПОРТ Консалтинг
www.macedonia-export.com
ShareTweet
Претходна вест

Женска Лига Скопско – Куманово го пречекува Чаир во дербито, Стружанка гостува на Алушевски

Следна вест

Коскоски со деби настап и поени, Работнички победи со 45 разлика

ЈАВИ СЕ ЈУЖНА

ЈАВИ СЕ ЈУЖНА

Портал кој се залага за презентација пред се на македонската публика во сите сфери како спорт, музика, филм и сите слободни артисти кои што сакаат да бидат презентирани на јавноста. Слободно испраќајте ни ги Вашите активности и идеи и ние сме овде за да Ве презентираме на нашата публика.

Слични вести

Пристигна најновата летна колекција во Бутик НИКИ во Струга
РАЗНО

Пристигна најновата летна колекција во Бутик НИКИ во Струга

✏️ ЈАВИ СЕ ЈУЖНА
08/Јул/2024
ПРЕКРАСНО! Ученици донираа апарат за анализа на крв за мали деца и бебиња во болницата во Кавадарци
НАСТАНИ

ПРЕКРАСНО! Ученици донираа апарат за анализа на крв за мали деца и бебиња во болницата во Кавадарци

✏️ ЈАВИ СЕ ЈУЖНА
17/Дек/2023
Македонија ги собра медалите на математичката олимпијада
ЗАБАВА

Македонија ги собра медалите на математичката олимпијада

✏️ ЈАВИ СЕ ЈУЖНА
12/Јул/2023
Неверојатно! Се продава Lada Niva од 1980 година за 265.000 евра
МАГАЗИН

Неверојатно! Се продава Lada Niva од 1980 година за 265.000 евра

✏️ ЈАВИ СЕ ЈУЖНА
24/Мај/2023
Следна вест

Коскоски со деби настап и поени, Работнички победи со 45 разлика

Последно

Томовски херој на Битигхајм: Гол и 10 одбрани за вреден бод против моќниот Мелсунген!

ДВОЈНА РАДОСТ ЗА ЖРК СТРУГА: ДВЕ ПОБЕДИ ВО ДВА ДЕНА!

ЧАИР ГО ПРЕГАЗИ КУР И ПОВТОРНО ИСПИША ИСТОРИЈА! ОСМИНАФИНАЛЕ ЗА МАКЕДОНСКИОТ ПРЕТСТАВНИК ВО ЕХФ КУПОТ!

Вардар славеше во интересното дерби со Алкалоид

ВО ЖИВО: Вардар – Алкалоид

Победа на Македонија до 17 години против Унгарија со Хет-трик на Стефан Ристиќ

Ние стремиме кон презентирање на македонската публика во најдобро можно светло, промовирајќи ги сите македонски кои се натпреваруваат на домашна сцена и на меѓународна. Ви благодариме!

Следете не!

© 2020 www.javisejuzna.mk - Креирана и дизајнирана од MaxCode.mk.

  • Контакт
  • Импресиум
  • Маркетинг
No Result
View All Result
  • Почетна
  • Спорт
  • МАГАЗИН
  • МУЗИКА
  • ДЕСТИНАЦИИИ
  • ИНТЕРВЈУ
  • Контакт

© 2020 www.javisejuzna.mk - Креирана и дизајнирана од MaxCode.mk.